今日口係屋企冇野做．．悶．．

咁就講返尋日啦～

尋日好早就起左身～因為約左人ｍａ～

不過牙君同我一樣都遲到．．．

咁我，牙遊，諾諾，牙君就去唱ｋ先～

Ｒａy哥同鍾少就剪完頭髮先口黎～

我地唱到就口黎ｃｕｔ機佢地先口黎～＞＜

唱完之後就去左睇戲～

果度Ｄ板好鬼嚇人．．．遲Ｄ仲要去睇＜＜死亡寫真＞＞．．

都唔知我有冇膽睇．．我地今次睇＜＜生化危機之殲滅生還者＞＞

咁我地又嗌埋波波去啦～但係佢又鬼死咁慢．．

佢要做埋ｄ功課先出．．開場佢都未口黎到．．．

咁我地就猜邊個輸左等波波啦～

點知Ｒａy哥輸左．．咁我諗住同佢等啦～

好彩波波口岩口岩好趕到～一齊入唔洗等～～

套戲ｄ喪屍好恐怖～＞”＜不過果２個女主角好型～

睇完戲我地就去左影貼屎相～第２部機要邊影邊畫．．

都唔知點影．．等相出果陣有ｇａｍｅ玩～好攪野～

影完之後我地就去睇３３～事關牙遊要買～～

但係都係睇唔口岩．．但係諾諾要走啦．．牙遊好唔捨得呢～～

跟住牙君又要走．．．鍾少又話走．．．

咁就得返我，Ｒａy哥，牙遊，波波～

我地想衝上波波屋企食雞"捉"ｇａ～但係失敗左．．

咁我地就口係佢屋企樓下食野～食完就上左佢屋企～

第２次去波波屋企～第２次見２位震波妹啦～哈哈～～

上到去就ｏｎ左我同牙遊ｇｅ　ｉｃｑ～

而波波同Ｒａy哥就打機～原來Ｒａy哥打機好勁ｇａ～～

打死左．．．牙唔係．．係打贏左波波２次～

到左９點我地就離開波波屋企啦～佢送我地落去搭車～好牙媽～＊

Ｒａy哥就自己一個搭車去油麻地．．．

最衰我唔係住果邊啦．．咁咪可以同佢搭囉～嘻嘻～

咁我就同牙遊搭去紅磡火車站～沿途傾下計仔咁就到啦～～

返到屋企就即刻沖涼訓覺ｌｕ～

今日都幾開心～因為有你陪我～